ВО Кратовско-светиниколскиот регион се откриени вредни глинени предмети, печати, медаљони и испишани плочки, што потекнуваат од времето на неолитот. Плочките се испишани со знаци познати во констелација на карпестите гравири откриени во Македонија и имаат исклучиво значење за македонската писменост и потврдуваат дека нашата држава е вистинско жариште на светската култура и писменост, со што Месопотамија го губи приматот на место од каде што потекнува писменоста.
Откритието зборува за континуитет на писменоста во Македонија долга десетици милениуми,рече на вчерашната прес конференција д-р Душко Алексовски, претседател на Светската академија за карпеста уметност. Пораките на глинените плочки се слични на оние на карпите и камењата откриени во разни делови на земјата. Кај глинените печати доминира свастиката, што се среќава во својата едноставна стандардна форма, но има и такви што се во контекст на црти што ја дополнуваат нејзината содржина. Некои од знаците изработени на медаљоните имаат аналогија во буквите од средновековниот македонски јазик, потенцира Алексовски.
Ова е прво сензационално откритие на стари записи на глинени предмети во Македонија, слични на познатите плочки од Месопотамија.
С.Н.